[Dir wüsst i chönnt das säuber mache
I schaffe no viu komplizierteri Sache
Doch we dir wüsst wi nig würd singe
De macht’s lieber är, drfür bliibet dir dinne]

1
Zumnä Nyffeler Fest ghöre Schnitzubänk
Das wär doch jtz no äs lustigs Gschänk
Doch vorsinge ma se niemer das mau
Wüu eigläch wär ja hüt dr Cupfinau

2
Für ds Fescht hei si hüt 50 Lüt iiglade
Mir addiere drü Brot u sibe Gable
Abzoge wärde Serviette drizäh mau
Houptsach am Schluss gits ä Primzau

3
Ä Mathematiker un’ä Laborantin
Me fragt sech, was git das für Ching
Au drü si kreativ das äs tätscht
Dä Augorythmus brucht ganz sicher ke Patch

4
We dr Peter isst de wird’s ganz stiu
Ou vo sire Arbeit verzeut är nid viu
Aber wecke mir hiä kenni aute Geister
Ändlech isch YB widr Schwiizer Meister

5
Wiehnacht git’s gäng äs grosses feste
D’Güetzi vor Marie-Rose immer scho di beste
Sit Pensionierig bacht dr Peter jtz ou
D’Buebe u d’Rhombe ertränkt är zersch im Alkohou

6
Im Huushaut hiuft Peter mit, das louft
Aus ersts hett är grad ä Putzroboter gchouft
We’s au Stund schampar tätscht im Ruum
Isch’s nid dr’Roboter, nei, d’Uhr steut um

7
D’Marie-Rose hätt eigläch a grüene Tume (Daumen)
Im Summer da wachst aus um si ume
Doch sälbst wenn si grad kes Gärtli hett
De macht si haut näbem Briefchaste äs Beet

8
Schach isch äm Peter sis Lieblingsspiu
Är spiut das gärn u schampar viu
Sini Ching hett Schach leider gar nid packt
Drum git är haut sim Computer uf d’s Dach

9
Die zwöi di hei ja z’Reisefieber
Me weiss nie gnau was si grad tribe
D’Marie-Rose photographiert wie wiud
So si’mr de später au[i] wider im Biud

10
Sösi u Peter mir gratuliere ganz härzläch
Dir sit eifach schön und schampar härzig
Zwar isch härzig sicher viu viu z’weni
Bi fasch drüh-Meter-achzg ir Gsamtuusdehnig